AS XSG-A GUARDA TILDAN DE “IRRESPONSABLE E INFANTIL” A ACTITUDE DO PP NO ÚLTIMO PLENO.

O pasado venres 31 celebrouse o pleno da Corporación Municipal no Concello da Guarda e a organización xuvenil socialista pide máis cordura e menos titulares ao grupo popular guardés, centrándose en aportar alá onde “pode e debe” e non pondo “paus nas rodas”.

As Xuventudes Socialistas da Guarda aínda non saíron do seu abraio ante a actitude da edil popular Mª Concepción Ortega, obviando a posición que ocupa, como se estivera “no patio do colexio”. Ademais das formas, lamentables, a portavoz do PP de A Guarda demostrou carecer de fondo no seu discurso e plan a longo prazo para a vila. Continuas interrupcións, contestacións fora de lugar e falta de respecto os compañeiros son claras demostracións do nerviosismo da portavoz popular ante a súa ineficiencia. Para o grupo popular todo vai mal na Guarda, sen dignarse a facer autocrítica dos erros que comete o seu partido tanto na oposición local como no goberno autonómico; sen dignarse a coñecer o funcionamento do pleno e ninguneando o traballo dos técnicos e membros do Concello.

En primeiro lugar, falando do solo industrial na Guarda, demostrando o interese partidista en que sexa o Concello e non os verdadeiros responsables, a Xunta de Galicia, os que se encarguen de solventar o problema. O portavoz do grupo municipal socialista, Miguel Español, relatou como nunha das reunións mantidas no Instituto de Solo e Vivenda de Galicia, lles explicaron tanto ao alcalde como a el mesmo, que o polígono guardés “nin está nin se lle espera” na planificación do organismo. Isto demostra o interese do Partido Popular galego no solo industrial guardés, nulo, e tamén a interese en buscar titulares soados para encubrir a súa inoperancia, máxima, como demostrou nos dias posteriores na prensa. Casualmente, referíndose a este tema varios grupos pediron a edil popular que evitaran o ridículo de sacar na prensa que tódolos grupos estaban en contra do emprego en A Guarda. Como observamos unha semana, despois, tras mentir no pleno, tamén o fan na prensa, contando solo o que lles interesa.

Para o Coordinador Comarcal, Iván Rodríguez é “unha auténtica vergoña que veñan a erixirse como os salvadores da vila cando por culpa deles e os seus compañeiros en San Caetano, a industria guardesa está como está. Non só non desenrolan o chan industrial comprometido senón que ademais quitan os cartos de infraestruturas imprescindibles como o vial. ¿Como pretende que o Concello saque adiante o proxecto sen o pulo dos organismos encargados? Hai moitas cuestións que o PP esquece a súa vontade con tal de ter un bó titular o día seguinte.”

En segundo lugar, dende a organización xuvenil denuncian “o flaco favor que fan a vila co seu “non se fae nada” e pobo “gris e esquecido”, inútil en campaña electoral e inútil agora mesmo. O PP está obviando o traballo que realiza tanto a corporación como os técnicos do Concello, que nos levou, por exemplo, a conseguir tres Diplomas SICTED na Gala de Turismo Rias Baixas neste último ano. Chama a atención a molestia que causa no grupo Popular o éxito da vila e o recoñecemento obtido no sector turístico, sendo exemplo para outros concellos con maior tradición turística e que buscan mellorar como fixo A Guarda.”

Por último, as XSG queren tamén resaltar a hipocresía da edil do PP guardés respecto a unha moción referida o 8 de Marzo para desenvolver maiores políticas de igualdade na nosa vila. Nas verbas da Secretaria Xeral das XSG-A Guarda, Bárbara Domínguez: “Sen entrar en detalles, consideramos unha indecencia que o partido máis machista deste pais, que mantén nos seus postos a personaxes do nivel de Baltar ou Santiago Freire, que máis recortou nos plans de igualdade e que aínda non comprende a lacra que vive o noso pais, nos veña a dar leccións o resto de grupos sobre como debe facerse. Pedímoslle humildade e menos cinismo a portavoz popular, como representante pública e sobre todo como muller.”

Por isto as Xuventudes Socialistas da Guarda vense na obriga de pedirlle o Partido Popular en primeiro lugar que aporte alá onde pode e debe, en Santiago e Madrid, para conseguir que A Guarda e o Baixo Miño non sexas esquecidos por esas institucións; que deixen de pintar A Guarda de gris nas súas notas de prensa e intervencións no pleno, pois demostrase cada día como é un destino turístico de relevancia tanto provincial como europeo e que non poñan máis “paus nas rodas” para o progreso da nosa vila e contorna.

ENTREVISTA POLA IGUALDADE - 25N - Ana Vicente, Presidenta de ADAVAS Baixo Miño

Aproveitando unha das moitas reunións que mantemos na nosa sede con Ana Vicente, presidenta de ADAVAS Baixo Miño, non quixemos perder a oportunidade de engadir un capítulo máis a nosa serie de #EntrevistasPolaIgualdade falando de Violencia de Xénero ca presidenta dunha asociación que chegou o Baixo Miño neste último ano para loitar contra esta lacra que vive a nosa sociedade. Ana Vicente é axente de Igualdade e diplomada en Xestión e Administración Pública pola Universidade de León. Nesta comunidade dende 2009, estivo traballando con ADAVAS León como Educadora Social tras una carreira como Concelleira de Muller, Educación, Participación Ciudadana, Maiores e Políticas Sociais no Concello leonés de Villambrique, onde desenvolveu múltiples políticas municipal para loitar contra a discriminación. En ADAVAS traballa como educadora social na prevención en IES e en talleres contra a violencia de xénero. Agora comezou unha nova aventura na nosa comarca, asnetando a asociación na comarca, unha experiencia que compartimos con vós nesta entrevista.

Cóntanos Ana, ¿Qué é ADAVAS? 

En ADAVAS traballamos dende hai máis de 20 anos ofrecendo asistencia gratuíta tanto xurídica como psicolóxica ás vítimas de violencia e/ou abuso sexual. Outro dos nosos obxectivos é informar e sensibilizar na prevención deste tipo de crimes a poboación en xeral e, especialmente, dos e das adolescentes, xa que é un dos grupos que máis precisan integrar esta na súa formación.
Traballamos en máis de 25 institutos só na provincia de León en varios programas de prevención da violencia. Agora que "aterramos" en Galicia, o noso proxecto a longo prazo é o de proporcionar, en poucos anos eses mesmos servizos na rexión do Baixo Miño. Polo momento, e só uns meses despois da creación desta nova asociación en Galicia, estamos dando conferencias sobre a prevención do abuso sexual nas escolas, obradoiros destinadas ás mulleres, e esperamos comezar este curso co Programa de Prevención da Violencia de Xénero en adolescentes "Despréndete do machismo 2.0" nos IES da comarca.

¿Cal é o perfil das persoas que demandan a vosa axuda?

En ADAVAS Baixo Miño, como estamos empezando, chegannos sobre todo mulleres derivadas da Federación e das asociacións membro, especialmente dende ADAVAS Leon, para o cal buscamos recursos institucionais e novos fios de traballo na área do sur de Pontevedra. Neste momento estamos a desenvolver unha labor máis de visibilización e prevención, pero para asistencia psicolóxica e xurídica, aínda non temos ningún material, nin recursos humanos. Este é un proxecto que estamos facendo, gradualmente, un grupo de mulleres do Baixo Miño moi comprometidas coa causa da igualdade, pero sabemos que é un proxecto a longo prazo. Invitamos a todas as interesadas, e especialmente a todos os homes, a que se involucren connosco para borrar o machismo da nosa comarca.

Encontramos últimamente gran cantidade de testemuñas dende a mocidade do aumento dos comportamentos machistas nos institutos, universidades, etc… estamos volvendo a repetir os mesmos erros que no pasado?

Ana Vicente nunha charla nun IES

Máis que cometer os mesmos erros, o que pasou foi que a sociedade non tivo o coñecemento da magnitude do problema ata hai relativamente pouco tempo, e despois, cando tivemos en marcha os instrumentos legais para afrontalo, faltou financiamento e vontade política para loitar contra a violencia de xénero. Isto por unha banda. En segundo lugar, que as formas de expresión dos primeiros signos e síntomas da violencia masculina nas relacións íntimas cambiaron, na actualidade están "disfrazados". Son máis sutís, pero as consecuencias son devastadoras para a autonomía, a liberdade, a integridade ... falo de ferramentas de redes sociais, de xeolocalización, o whattsapp, instrumentos de relación moi útiles cando se usan entre iguais, pero convertidos en Armas de Control Masiva nunha relación amorosa tóxica.

¿É consciente a mocidade sobre os riscos que ten este problema?

Isto observámolo perfectamente nas conversas que facemos nas escolas. Teñen integrado a mensaxe de que nenas e nenos son iguais, e se preguntas se queremos establecer relacións de igualdade cos seus socios, ou relacións de poder, teñen moi claro, e responden ao unísono: relacións de igualdade ... pero, Por que empregan nas súas relacións ferramentas típicas de relacións de poder tales como os estereotipos, control, illamento, depreciacións, etc?

Moi fácil, porque foron ensinados que son iguais, mentres que a diario encontranse que o seu entorno está cheo de desigualdades. Desde o nacemento, falamoslle de maneiras diferentes e teñen diferentes perspectivas según sexán dun sexo ou doutro. Se un día os levas a unha tenda de xoguetes enfrentaranse a dous corredores. Un corredor rosa, se é unha nena: "cocinitas", bonecas, mestras, enfermeira, veterinaria... O papel dos coidados. O outro ten cores máis serias, oscuras: marrón, negro, azul oscuro, o dun neno. Aquí observamos coches rápidos, xogos competitivos, de agresión, algo asi como o papel de proveedor e defensor. Se non lles facemos reflexionar, podes estar limitándoos toda a vida a vagar por eses roles e estereotipos. Ademais, estes dous corredores, estes dous mundos paralelos, non están no mesmo plano. O papel masculino sempre se transmite como o papel superior, un rol de poder. Por iso digo que non están na mesma altura.

Iso é o que se transmite. E poden pensar sen reflexionar, que a igualdade é iso. E que pasa se nas suas relacións amorosos beben directamente de esta fonte? "si, o meu mozo me controla o whatsapp, é moi celoso, pero eu tamén podería querer controlarllo a el, que é o mesmo non?" Que ocorre se en vez de educar a nosa mocidade como persoas autónomas e libres para ter relacións sanas que lle proporcionen benestar e alegría, construímos e perpetuamos modelos de relacions de desigualdade e poder? Que estas serán un inferno para as que as sufran.

Consideras que asignaturas como ética ou Educación para a cidadania axudan a concienciar ós máis xovenes?

Claro. Recordo a película dun gran director de cine francés, Jean Renoir "Esta terra é miña" ambientada na Francia ocupada polos nazis. Charles Laughton e Maureen O'Hara dous profesores desafian a un réxime atroz utilizando os Dereitos do Home e do Cidadán na esucacióndos seus alumnos. Eles sabían que era importante para acadar a liberdade a Educación en valores éticos, comezando pola reflexión sobre os dereitos humanos. Non debemos esquecer que cando falamos dos dereitos das mulleres, que se entendan perfectamente os dereitos humanos é o pilar fundamental para a prevención de que aparezan eses "minitiranos". Pero non só debemos darlle máis peso a ética, tamén a filosofía, arte, música, literatura... Así acadaríamos institutos nos que os modelos amorosos identificaríanse con modelos como os propostos por Luís Cernuda, María Victoria Atencio ou Vicente Aleixandre e non só os mitos de amor pseudoromántico como Shakira ou "Tres metros sobre el cielo",  sen dúbida nos iría mellor.

A segregación por sexos nas escolas pode ser un agravante a este tipo de comportamentos?

Si, agrava moito a situación, porque non hai contacto persoal entre nenos e nenas. Perdemos, polo tanto, unha oportunidade de interactuar, de xogar e de coñecerse de verdade deixando a un lado os estereotipos. Coñecer é a mellor prevención. Por exemplo, os resultados que obtemos nos IES de áreas rurais son xeralmente mellor que en ambientes urbanos. A razón é moi simple. Eses nenos e esas nenas coñecense dende sempre. Sempre xogaron xuntos na rúa, están relacionados. En ambientes urbanos é maior o illamento, por iso se recurre máis os  videoxogos, cheos de tópicos e sexismo, utilízanse máis as redes sociais e se interactua menos persoalmente. En áreas rurais existen máis desigualdades, son máis palpables e están moito máis enraizadas, pero son moito máis fáciles de cuestionar e desmontar que outras máis sutiles que veñen ata nós en forma de personaxes tan estereotipados como son as personaxes de videoxogo que, o final, non son as persoas coas que se relacionan no mundo real. E todo iso sen entrar no tema da pornografía e violencia sexual que conleva. A día de hoxe é o problema máis grave que temos en escolas e facultades, e que aínda non solventamos.

Galicia presenta unha taxa de mortas por habitante moi alta en relación a outras comunidades. No 2015 fomos a terceira comunidade con máis asasinatos por detras de Andalucía e Comunidade Valenciana. ¿Porqué estes datos en niveles como os de comunidades moito máis poboadas? 

Sobre todo porque é unha comunidade rural, cunha presenza moi, moi importante. Hai un illamento de vítimas que é específico dos entornos rurais e fai máis difícil para as vítimas para acceder recursos que precisan para saír da súa situación. Ademáis da vergoña, da presión social, do illamento e a dificultade de acceso aos recursos provocan que as vítimas de violencia doméstica rurais son hoxe un colectivo moi vulnerable. As distancias de dispersión territoriais para os centros urbanos para acceder a eles crean problemas de mobilidade. O feito de que as comunidades rurais sexan núcleos pequenos onde todas as persoas son coñecidas, trastoca a vítima tanto pola vergoña e como o medo da reacción do seu ambiente. Unha vez máis observamos como estas mulleres encontranse sen recursos económicos e de benestar fundamentais. Precisamos que a información e os apoios cheguen a toda a poboación.

Coñecemos fai uns días o dato de que as chamadas o 016 multiplicaronse, é suficiente esta posta de medios de denuncia suficiente para as mulleres ameazadas? 

É absolutamente insuficiente. A publicidade institucional traslada toda a carga nas mulleres que son abusadas para buscar axuda e denuncien. Pero os problemas non se arranxan só cunha chamada o 016, aínda así, este teléfono e imprescindible e fundamental en todo isto. Pero  ademáis debe aplicarse de forma eficaz, na súa totalidade, co orzamento para desenvolver a Lei Orgánica de 2004, que recolle as medidas de protección contra Violencia de Xénero Integral, que é unha lei, que ainda ten moito máis potencial que aportar, actualmente está moi recortada pola falta de recursos e falta de vontade política para desenvolvela en toda a súa extensión, por iso decía que é insuficiente. Os recortes empeoraron moito a atención e asistencia ás vítimas. Por desgraza tamén ás veces unha deficiente formación das persoas responsables de facela cumprir e visibilizar, nos corpos de seguridade, nos centros lectivos, incluso as veces na casa durante o día a día na educación das nosas fillas e fillos, provoca moitas situacións cada día que podíamos ter evitado, e que agora costa solventar.

Continuaremos seguramente con outro capítulo outro día, porque da para moito estas conversas. Moitas grazas polo teu tempo.

A vós, toda visibilización do problema e promoción das asociacións como a nosa que axudan ás vítimas e benvida. Ogallá podamos nuns anos falar de que o Baixo Miño e Galicia teñen taxas moitos menores de violencia de xénero.

ADAVAS Baixo Miño (http://adavas.websenfemenino.com/) é unha asociación non gubernamental. O alicerce do noso labor é a prevención da violencia sexual e a violencia machista. Nuestra “Casa Madre” es ADAVAS León (http://www.adavas.org/), integrada en la Federación de Asociaciones de Asistencia a Víctimas de Violencia Sexual y de Género (http://stopviolenciasexual.org/) 

A Asociación ADABAS Baixo Miño leerá os nomes das vítimas da violencia machista, asasinadas polas suas parellas ou exparellas neste último ano, na praza do Seixo en Tomiño, nun acto público e participativo. 

Como colofón, o rapeiro Che-Cho, solidario e comprometido con esta causa ofrecerá un concerto en tomiño co galo do Día Internacional da Eliminación da Violencia Contra a Muller, 25 de Novembro Tentamos con este acto recordar que a clave para erradicar a violencia machista é a prevención, a aprendizaxe na construcción de parellas igualitarias e respetuosas, o compromiso social de tódalas persoas para apoiar ás vítimas repudiando os maltratadores.

GRAN ACOLLIDA DA TERCEIRA CHARLA LGTBI SOBRE EDUCACIÓN EN DIVERSIDADE

“O acoso por razón da orientación sexual é un dos máis complicados para a víctima pois o rechazo pode vir en tódolos estratos da vida do alumno: aulas, profesores, familia, amigos... Debemos sensibilizar tamén ao entorno desta realidade diversa na que nos movemos. Isto axudara a que o seu desenvolvemento persoal sea moito máis satisfactorio que o que lle tocou vivir a xeracións anteriores.”

As XSG-A Guarda apoian a actividade alternativa pola presenza de circos que utilizan animais salvaxes.

As Xuventudes Socialistas de Galicia - A Guarda presentaron onte xunto cos Socialistas da Guarda unha moción para evitar a instalación de circos que empreguen animais salvaxes no noso Concello, enmarcada con varias accións para a defensa dos animais, pero que, polos acontecementos recentes consideramos importante desmarcar do proxecto inicial e mostrar a nosa postura.

A instalacion de este tipo de circos é dificil de evitar na nosa vila polo emprego de fincas privadas para o seu espectáculo, ademáis das competencias reguladoras de outras institucións sobre este tema, polo que debemos ampliar esta prohibición municipal a outros eidos, enmarcando estas accións nunha maior sensibilización cara o respeto os animais na nosa contorna. A prohibición da publicidade e as instancias os gobernos non serán efectivas se non conseguimos que a demanda destes espectáculos desapareza do público infantil, polo que a promoción de actividades que si que reflictan a realidade do habitat de estes animais debe estar tamén presentes. 

Por isto as XSG - A Guarda apoiamos a actividade alternativa programada para o sábado, a mesma hora do circo, as 19.30. O visionado do filme “Tierra” no Salón de Actos do Centro cultural da Guarda, organizada polo Colectivo pola Supresión dos Espectáculos con Animais na Guarda, ca colaboración da Asociación Naturalista Baixo Miño (ANABAM) e o Concello da Guarda. 

As XSG desenvolveron no verán pasado en Galicia unha campaña para a prohibición dos circos que empreguen animais salvaxes nos Concellos, pero dende a agrupacion guardesa consideramos que non só sufren os animais nos circos polo que entendemos máis que necesario a creación dunha ordenanza específica, que recolla os dereitos dos animais na nosa vila para que o Concello poida actuar ante situacións de desprotección. Por iso levamos traballando xunto co grupo municipal socialista, varios meses na creación desta ordenanza, para situar A Guarda xunto con outras vilas, no mapa das poboacións que respectan e defenden totalmente os dereitos dos animais. 

Para evitar que volva a producirse a instalación destes circo no curto plazo, e visto que outros grupos xa trouxeron a pleno mocions similares, que non acabaron en consenso, as mozas e mozos socialistas non podiamos outra cousa que deixar clara a nosa posición presentando esta moción que esperamos vaia adiante no próximo pleno, así como comezando outras accións ante a Xunta de Galicia e o Goberno central para que tente evitar a existencia destes espectáculos. 

Para visibilizar esta repulsa, as XSG - A Guarda xunto con outras asociacións da vila comezaremos unha recollida de firmas para deixar clara a posicion da sociedade baixomiñota respecto a esta situación de indefensión animal e esixir solucións as institucións pertinentes. Continuaremos tamén traballando arreo pola defensa dos animais e o seu medio natural.

CICLO LGTBI: A homofobia, a verdadeira enfermidade.

CICLO LGTBI:

QUEDA MOITO POR FACER

A homofobia, a verdadeira enfermidade.

As Xuventudes Socialistas da Guarda continuaron o pasado sábado o ciclo de charlas sobre o Colectivo LGTBI: “Queda moito por facer” no Centro Cultural da Guarda.

COMUNICADO POLO DÍA CONTRA A VIOLENCIA DE XÉNERO

[...]"A redifinición do papel da muller foi unha peza clave na maquinaria represiva, o poder disciplinario e a imposición dunha sociedad patriarcal, nacional-católica do réxime dictatorial do 36. Mediante leis, normativas, modelos educativos e a Sección Femenina, o réxime franquista impulsou un arcaico arquetipo femenino recatado e sumiso, que expulsaba ás mulleres de toda actividade no ámbito público, sendo o fogar e a familia os únicos espazos autorizados."[...]

Asi comezábamos fai un ano o noso comunicado contra a violencia de xénero e asi o seguiremos abrindo ano tras ano mentras non deixemos de perder a compañeiras, amigas, nais, avoas, fillas a máns de asesinos, o verdadeiro nom dos agresores. Este arcaico pensamento de superioridade ainda segue hoxe en día palpabel na nosa sociedade.

II Xornada Ciclo LGTBI: Queda Moito por facer. Homofobia, a verdadeira enfermidade

II XORNADA DO CICLO LGTBI: #MoitoXFacer

A HOMOFOBIA, a verdeira enfermidade

As Xuventudes Socialistas de Galicia - A Guarda retomarán o próximo día 28 de novembro o ciclo de charlas sobre o Colectivo LGTBI no Centro Cultural da Guarda. Esta segunda entrega dará comezo ás 20.00h e tratará sobre como vencer a homofobia presente todavía na nosa sociedade. O acto, aberto a todos os que queiran achegarse, contará con dous ponentes principales, Estela Fernández, experta en igualdade e Carmen Gallego, Parlamentaria do PSdG-PSOE e impulsora da Ley pola igualdade de trato e a non discriminación do colectivo LGTB en Galicia.

O obxectivo deste ciclo é a participación activa do público nestes coloquio, ademáis de conmemorar os 10 anos dende a aprobación da Ley do Matrimonio Igualitario. Con estas charlas, as XSG-A Guarda buscan abrir na sociedade guardesa temas tabú agochados ás veces no noso día a día como son a transexualidade, a homofobia ou a discriminación laboral, ainda presentes hoxe en día, e sufridos polos membros do colectivo LGTBI.

NOTA DE PRENSA DAS XSG SOBRE A MOCIÓN DE CENSURA NO CONCELLO DE OIA

A HISTORIA REPÍTESE

ENTREVISTA A ANTONIO LOMBA

O pasado 24M as guardesas e guardeses elixiron nas urnas a continuación dun proxecto que comezou fai oito anos: o proxecto dos #SocialistasDaGuarda e que agora lidera Antonio Lomba. Fai uns dias  mantivemos unha interesante conversa para que nos  acercará algunhas cousas destes primeiros meses no #ConcelloDaGuarda

CICLO LGTBI Queda #MoitoXFacer

O pasado venres 18 de setembro deu comezo o Ciclo LGTBI #MoitoXFacer no Centro Cultural da Guarda, cunha charla-coloquio sobre como a sociedade observa a transexualidade nos menores, organizado polas XSG-A Guarda en colaboración co Concello da Guarda e o grupo 7 Cores.