MOCIÓNS - Pesca do Xeito

Gameleiros recollendo as redes. Fonte: Atlántico Diario 

O Grupo Municipal do Partido dos Socialistas da Guarda, por petición das Xuventudes Socialistas da Guarda, defendera unha moción sobre a prohibición da pesca do xeito o próximo venres no pleno municipal. 

Esta arte tradicional, que consta dunha rede de arrastre que só esta a deriva entre duas e tres horas, é utilizada para a pesca da sardiña sobretodo e demostrou ser moi selectiva cas especies, xa que non se capturan mais que e ocasionalmente algunha xarda ou xurel, pero en moi pouca proporción respecto a sardiña. Ademais é un arte moi respetuosa co medio xa que ao estar todo o tempo a deriva, non toca os fondos mariños, a diferencia de outras artes.

A pesar de existir moitas recomendacións sobre a necesidade de preservar este tipo de pescas, estase equiparando ca súa prohibición a artes de pesca mayores que durante moitos anos levan pescando a pesar de demostrar que eran perxudiciais a longo prazo como as volantes ou outras artes. A necesidade dunha pesca selectiva e respetuosa co noso medio nas suas distintas artes debería ser unha prioridade para a Xunta de Galicia ante Europa, na busqueda dunha solución máis que necesaria para un sector moi castigado e tradicionalmente motor de moitos pobos como é o noso. Moitas familias viven destas artes tradicionais, respetuosas co medio e piar durante moitos anos do rural galego, e agora máis que nunca hai que preservalas.

Pescadores do Xeito ante o Parlamento de Galiza
Fuente: Europa Press

A bóa decisión da Unión Europea de prohibir as redes perxudiciais, non debe entrar en conflicto cas persoas que durante tanto tempo demostraron que respetaban un ecosistema tan necesario para Galiza. O noso pobo, como afectado, non debe quedarse parado, senon defender aos gameleiros e tentar buscar solucións entre todolos grupos políticos. A necesidade de defender o sector da pesca é primordial e este tipo de medidas non axudan á renovación xeracional necesaria para manter vivos os portos galegos. 

COMISIÓN DE POLITICA LOCAL 

XUVENTUDES SOCIALISTAS DA GUARDA